«ارحموا النادي والجمهور».. تعليق مثير من نجم الزمالك على رحيل زيزو

حرص أحمد عيد عبد الملك نجم الزمالك ومنتخب مصر السابق على اقتراب أحمد سيد زيزو لاعب فريق الكرة بالقلعة البيضاء من الرحيل.

وكتب أحمد عيد عبد الملك عبر حسابه على "فيسبوك": أنا معنديش حاجة أقولها لزيزو الصراحة عمل كل اللى عنده للنادي من وقت دخوله غير ان ربنا يوفقه وطبعاً كنت اتمني يكمل مسيرته مع النادي اللي يهمني اكتر من زيزو وغيره.

وأضاف: "المشكلة انك مش هتعرف تعوضه زي ما حصل ومعوضتش طارق ومصطفي محمد ومصطفي فتحي وفرجاني وامام وبن شرقي والدور جه علي زيزو اهو وبعديه فتوح والونش وغيرهم كل ما هيظهر لاعب يسندك مبتحافظش عليه والصراحة معنديش ثقة في حد موجود حالياً يخطط للنادي بالمبلغ الي داخل ده الي هو المفروض يحل كل حاجة عندك.

وتابع: "الكرة بالنسبة للزمالك او اي فريق بيلعب علي بطولات مش استثمار وخصوصاً في مصر محدش بيكسب منها كله بيخسر الا بعض الفرق المؤسسات الناجحة الي بتصدر للانديك لاعيبة.

وأكمل: "كل ما هتعمل لاعب علشان تبني عليه جيل يجيلك فيه فلوس تبيعه يبقي أنت مش عاوز بطولات اصلاً يبقي هتفضل الحالة تتدهور بتاريخك لحد ما توصل ان ترضي انك بتنافس من بعيد وخلاص .. ارحمو نادي الزمالك وجمهوره !!