سمسم شهاب يطمئن جمهوره بعد تعرضه لحادث سير

تعرض النجم الكبير سمسم شهاب لحادث مروع تسبب في تهشم سيارته من الأمام، وحرص على أن يطمئن جمهورها على حالته الصحية.

وأصدر بيان جاء فيه: "أحب أطمن كل جمهوري الحبيب وإخواتي والساده الصحفيين الكرام اللي مابطلوش سؤال عليا من ساعة ما نشرت بوست الحادثه.. حضراتكم على راسي كلكم، وأنا الحمد لله بخير إتعرضت لحادث مميت الفجر وربنا نجاني من موت محتم أنا والمساعدين المرافقين لي".

وتابع: "كان عندنا أستوديو مع الشاعر عماد عبيد وكان عندي شغل، وخلصنا وفي طريق العوده للمنزل في ثانيه عربيه تصيبنا والحادثه كانت صعبه نظرا لسرعة العربيه الي دخلت فينا، للأسف المساعد الخاص بي اللي كان سايق العربيه اتصاب بكسر وشرخ في رجله، وأنا أصبت بكدمات وشرخ في الفخد، والحمد لله".

واستكمل: "أولادي كانوا نايمين في البيت، عكس ما اتنشر من بعض المواقع انهم كانوا معي، ربنا الحمد لله نجاني انا واللي معايا عشان خاطر أولادنا والناس الي بيحبونا، وربنا يسترها معانا جميعا، هذا بيان مني أنا الفنان سمسم شهاب أصدره وأنا في طريقي للبيت الآن وكل الشكر لحضراتكم جميعا".