«هاني سعيد يفتح النار”: ”لو الأهلي أو الزمالك مكانا.. كانوا هيلعبوا؟!”

أعرب هاني سعيد، المدير الرياضي لنادي بيراميدز، عن غضبه واستيائه من ضغط المباريات الذي يواجهه الفريق، وذلك خلال مداخلة هاتفية مع قناة "أون سبورت"، عقب فوز الفريق في الدوري، وقبل أيام من مواجهة إياب نهائي الكونفدرالية الإفريقية.

وقال هاني سعيد:

"زي ما الكل عارف، إحنا عندنا مباراة بعد ثلاث أيام بس من خوض ذهاب نهائي إفريقيا، وقبل إياب النهائي المنتظر. أنا مش فاهم إزاي فريق بيمثل مصر في نهائي قاري، بيتم ضغطه بالشكل ده؟"

وتساءل: "لو الأهلي هو اللي مكانّا، كان هيحصل معاه كده؟ طب حتى لو الزمالك، كانوا هيلعبوا المباراة دي؟ هما مبيقدروش غير علينا بس!"

وأكد المدير الرياضي أنه التزم الصمت لفترة طويلة رغم نشر تصريحات على لسانه لم تصدر منه على حد قوله، مضيفًا:

"أنا بقالي فترة ساكت ومش بتكلم نهائي، وفي تصريحات بتنزل على لساني وهي مش صحيحة، لأني متكلمتش أصلاً. بس دلوقتي أنا عايز أتكلم وأوضح الصورة للناس."

لكن المداخلة لم تكتمل بالشكل الذي كان يريده هاني سعيد، إذ حاول مقدم الاستوديو التحليلي، الإعلامي محمد غانم، إنهاء الحديث لضيق الوقت، قائلًا:

"يا كابتن هاني، كل الناس خلف بيراميدز وبتدعمه، وإن شاء الله الجماهير تكون وراه يوم الأحد من ستاد الدفاع الجوي. إحنا وقتنا ضيق علشان الاستوديو التحليلي، وكنا حابين نباركلكم على نتيجة النهاردة."

ليقاطعه هاني سعيد برد غاضب قبل إنهاء الاتصال:

"أنا عايز أتكلم وأقول... يعني انت مش عايزني أكمل كلامي؟ طيب، شكرًا، سلام."