بعد سرقة متحف اللوفر.. لميس الحديدي تحذر: ”لازم نخاف على آثارنا”

علّقت الإعلامية لميس الحديدي على حادثة سرقة متحف اللوفر في باريس، معربة عن دهشتها من وقوع مثل هذا الحدث داخل أحد أشهر المتاحف في العالم، قائلة باستغراب: "ده ولا في الأفلام! أنا مذهولة، محدش قالهم إنتوا رايحين فين؟ سرقة متحف اللوفر!!"

وأضافت الحديدي، خلال برنامجها «الصورة» المذاع على قناة النهار:"الخبر مش في الخيال ولا في الأفلام، وكأنه جزء من سلسلة أفلام (أوشن). تسع قطع من أهم القطع تمت سرقتها، تخص نابليون بونابرت وأوجيني التي افتتحت قناة السويس."

وتابعت مستنكرة سرعة العملية: "في 7 دقايق بس، تمت سرقة 9 قطع أثرية لا تُقدّر بثمن، وطلعوا فوق بمنشار خشب!"

واختتمت الحديدي حديثها برسالة تحذيرية قائلة: "مش معنى إن اللوفر اتسرق إننا منخافش على آثارنا.. لازم ناخد بالنا، نحط كاميرات داخل قاعات الترميم، وأجهزة إنذار، عشان محدش يقول إن كل المتاحف بتتسرق. لازم نحافظ على تراثنا لأنه يمثل التاريخ كله".