بسنت شوقي تثير جدلاً حول استخدام جملة ”الحمد لله الذي عافانا” وتنفي شائعات الحمل

أثارت الفنانة بسنت شوقي جدلاً واسعًا عبر منصات التواصل الاجتماعي، بعد منشور انتقدت فيه استخدام بعض رواد السوشيال ميديا لجملة "الحمد لله الذي عافانا" بشكل اعتبرته "سخرية من الآخرين" وليس "شكرًا حقيقيًا لله".

انتقاد حاد لـ"نبرة السخرية"

كتبت الفنانة عبر حسابها على فيسبوك: "شوف يا مؤمن، من دون كل الكومنتات اللي الواحد بيقراها على السوشيال ميديا، أكتر واحدة صعبة بالنسبة لي هي: (الحمد لله الذي عافانا)، وبتبقى بعدها في أغلب الوقت الإيموجي دة".

وأوضحت بسنت في منشورها: "عشان يا حبيبي أو يا حبيبتي، انت مش فاهم دينك خالص وجاي تتنطط على خلق الله، انت مش حقيقي بتحمد ربنا، انت بتتريق على الغير، والنبرة بتاعتك ونيتك ريحتهم فايحة."

استشهاد بآيات قرآنية

استدلت الفنانة بآيات من القرآن الكريم لتأكيد وجهة نظرها، حيث استشهدت بقوله تعالى: "يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ"، وقوله سبحانه: "فَلَا تُزَكُّوا أَنفُسَكُمْ ۖ هُوَ أَعْلَمُ بِمَنِ اتَّقَى".

ونصحت متابعيها قائلة: "لو نيتك فعلًا إنك تحمد ربنا، قولها بينك وبين نفسك، مش تروح تقولها في وش حد مبتلى أو مختلف".

نفي شائعات الحمل

في سياق منفصل، نفت الفنانة الشائعات المنتشرة حول حملها وانتظارها أول أبناء لها من زوجها الفنان محمد فراج.

وقالت بسنت في فيديو عبر إنستجرام: "أنا مش حامل وكل اللي حصل إني نزلت أنا ومحمد Story، إن فيه مفاجأة، والمشكلة إن محمد كان لازم بينك وأنا بقى لي فترة قاعدة بقول أنا مش قادرة أستغنى عن البينك، فالناس توقعت إني حامل في بنت".

وكشفت عن المفاجأة الحقيقية: "المفاجأة كانت الفيديو كليب 'مستنيك' لحسين الجسمي، عشان أنا ومحمد عمرنا ما عملنا حاجة زي كده قبل كده".

وتوجهت بالشكر لمتابعيها على مشاعرهم الطيبة ودعائهم بالذرية الصالحة، مؤكدة: "بجد أنا حاسة بكل الحب، بس لسه ربنا ما أرادش".