شيكابالا يوجه رسالة للجماهير: «اللاعب له أهل.. كفاية شتائم ويتحدث عن محمد صبري»

وجه محمود عبد الرازق "شيكابالا"، نجم الزمالك السابق، تحذيرًا واضحًا لجماهير الكرة المصرية، مطالبًا بوقف التجاوزات اللفظية ضد اللاعبين وأسرهم، مؤكدًا أن الشتائم لا تفيد أحدًا وتترك أثرًا نفسيًا سلبيًا على اللاعبين.

وقال شيكابالا خلال تصريحات تليفزيونية: "إنت النهاردة بتشتم لاعب بأمه ووالدته ومراته، هتستفاد إيه؟ بكرة ممكن تلاقيه مش موجود، وهتندم على كلامك. اللاعب له أهل ولازم نحترم ده. كفاية نشوف الحتة المكسورة وندوس عليها."

وأضاف نجم الزمالك السابق، مستعيدًا ذكرياته مع الكابتن محمد صبري: "جيل محمد صبري كان مليان نجوم، لكن جمهور الزمالك ارتبط بالتيشيرت اللي لابسه بسبب محمد صبري. وأنا كنت عندي 15 سنة، وأول يوم اتدربت فيه مع الفريق الأول كنت بجري جنب الكابتن محمد صبري، وقلت لأهلي: أنا كنت بجري جنب محمد صبري."

وتابع: "الناس أحبت محمد صبري مش علشان أهدافه أو بطولاته، لكن لأنه كان منهم. كان يحس بيهم ويفرح زيهم ويدافع عن النادي كأنه مشجع في المدرجات."