محمد صلاح يقدم رسائل إلهام للأجيال الجديدة: “الإيمان والثقة هما بداية كل نجاح”
حرص محمد صلاح، قائد منتخب مصر ونجم ليفربول الإنجليزي، على توجيه مجموعة من النصائح الملهمة للأجيال الصاعدة، مستعرضًا خلاصة تجربته الاحترافية التي جعلته أحد أبرز نجوم كرة القدم في العالم.
وقال صلاح في تصريحاته لقناة "أون سبورت": "النصيحة إنك تكون مؤمن بالحاجة اللي بتعملها لما تكون صغير أو لو مش شايف الرؤية كاملة، ولو مكنش عندك الرؤية دي والثقة مش هتجيب الحاجة اللي انت وصلت لها، والثقة والإيمان أهم حاجتين لو عايز تحقق حاجة".
وأضاف: "عارف إني أنا هوصل، بس إزاي معرفش، ولكن مؤمن إن أنا هوصل، وبكون واثق إني هكسبها، وقبل ما بتخيل إني هكسبها وهوصل لها، ودي نقطة مهمة أوي بالنسبة للناس".
صلاح يتحدث عن دور الأسرة في تشكيل أحلام الأطفال
وتحدث قائد الفراعنة عن أهمية حرية الطفل في اختيار مستقبله، موضحًا: "الأب والأم عايزين يشوفوا ابنهم لاعب كرة، وحاولت مع بنتي تلعب تنس لكن هي مكنتش حابة كده، وحياتها هي اللي تقررها، وأنا بس بعمل سبوت على كده، وأسيب لها تقرر هي عايزة إيه، ولو الابن عمل الحاجة عشان الأب عايز كده مش هيحبها".
وفي ختام ظهوره في حلقته مع السير مجدي يعقوب، أعرب محمد صلاح عن سعادته بالتواجد مع بروفيسور القلب العالمي، مؤكدا: "سعيد بتواجدي مع الدكتور مجدي يعقوب، وأتمنى أشوفك مرات تانية، وسعيد بوجودي في حلقة معاك".
