هاني رمزي: «الدوري المصري ضعيف ولا بد من خطة مستقبلية للمنتخب»

أكد هاني رمزي، لاعب الأهلي ومنتخب مصر السابق، أن مشاركة منتخب مصر في كأس العرب جاءت دون دافع حقيقي، مشيرًا إلى أن مستوى الدوري المصري أصبح منتجًا ضعيفًا مقارنة بالدوريات الأخرى.

وقال رمزي في برنامج أوضة اللبس: "المنتخب مؤخرًا بيشارك لمجرد المشاركة فقط، ومفيش دافع لتحقيق البطولات، كل شيء ضبابي، واللاعبين بيكتفوا بالسفر والمشاركة من غير هدف واضح."

وأضاف: "اللاعبين فقدوا الحافز لتقديم أداء مميز، والاستسلام أصبح سمة سائدة. دلوقتي بيكونوا مبسوطين بمجرد السفر أو المشاركة في البطولة، لكن مفيش هدف يرجع اسم مصر للواجهة."

واختتم تصريحاته بالتأكيد على أهمية التخطيط للمستقبل: "لازم يكون في وقفة كبيرة ونبدأ نفكر في المستقبل بخطة طويلة المدى. النجاح هييجي، لكن المهم نبدأ من دلوقتي. اللي حصل كارثة حقيقية، إحنا زعلانين جدًا، والجمهور النهاردة كان مش مصدق نفسه. فقدنا هويتنا، وده مش متعودين عليه أبدًا مع منتخبنا."