إحساس صعب أوي .. أول تعليق من كوكا بعد استبعاده من قائمة منتخب مصر

علق أحمد حسن كوكا، مهاجم قونيا سبور التركي، على استبعاده من قائمة منتخب مصر استعداداً لمواجهتي منتخب السنغال في إطار ملحق التصفيات المؤهلة لكأس العالم.

وكتب أحمد حسن كوكا عبر صفحته الرسمية على موقع التواصل الاجتماعي "تويتر": "بعد لما مكنتش في القائمة في أمم أفريقيا، زعلت قوي وقولت المدرب صح، أنا مش بلعب بانتظام في فريقي ومبجبش أجوان كفاية وساعتها قولت والله لأموت نفسي أكتر وألعب أكتر وأجيب أجوان أكتر عشان أبقى موجود في الماتشين الحاسمين في شهر 3".

وأضاف: "الحمدالله ربنا كرمني وجبت 8 أجوان و4 أسيست في 10 ماتشات أساسي بس محصلش نصيب إني أبقى موجود في المعسكر برده".

واختتم: "إحساس صعب أوي وإحباط كبير، بس والله كل إللي بتمناه أن ربنا يكرمنا ونصعد ومصر كلها تفرح".

ويلتقي منتخب مصر نظيره السنغال يوم 25 مارس الجاري في لقاء الذهاب، على أن تُقام مباراة الإياب يوم 29 من نفس الشهر.