كندة علوش: ”كنت سامعة صوت جوايا بيقول مش عايزاه يندم إنه اختارني”
كشفت الفنانة كندة علوش عن كواليس مشاركتها في مسلسل إخواتي، الذي عُرض في رمضان الماضي، ووصفت تجربتها في تجسيد شخصية "ناهد" بأنها مخاطرة فنية آمن بها المخرج محمد شاكر خضير، وقرّر أن يخوضها معها.
وفي لقائها مع الإعلامية لميس الحديدي في برنامج كلمة أخيرة، قالت كندة: "مافيش مخرج كتير ممكن يختارني في دور زي ده، لأنه بعيد تمامًا عن الأدوار اللي قدمتها قبل كده. فلما المخرج عرض عليّ الدور، سألته إيه اللي خلاك تشوفني فيه؟ رد عليّ وقال: أنا شايف إن جواكي مساحة تقدري تطلعي منها ناهد، وده خلاني أحس بثقة كبيرة ومسؤولية أكبر."
أضافت: "كان عندي صوت داخلي بيكلمني طول فترة التصوير، بيقولي ماينفعش تخذليه، ماينفعش يخسر رهانه عليكي. كنت راجعة بعد غياب، وكان مهم بالنسبة لي إن الرجوع يكون بدور يثبت إني لسه عندي اللي أقدمه."
واختتمت حديثها مؤكدة أن السيناريو الجيد والعمل مع نجمات كبيرات ساهم في تحفيزها، لكن العامل الأهم في تجربتها كان رغبتها العميقة في إنجاح رهان المخرج عليها: "كل لحظة في التصوير كنت بفكر في إنه مايندمش، كنت عايزة أثبت له إنه كان عنده حق."
