«اللي بيحصل في الأهلي غلط».. شوبير يفتح النار على موسيماني

شن الإعلامي أحمد شوبير، هجوماً حاداً، على الجنوب إفريقي بيستو موسيماني، المدير الفني للنادي الأهلي بسبب قراره الأخير بإراحة اللاعبين لمدة 8 أيام.

ومنح الجهاز الفني للفريق اللاعبين راحة 8 أيام بعد انتهاء مباراة المريخ السوداني.

واستغل الجهاز الفني للفريق فترة التوقف بسبب الأجندة الدولية التي يخوض خلالها المنتخب الوطني مباراتي السنغال الحاسمين لبطاقة الوصول إلى مونديال قطر 2022، ومنح اللاعبين راحة للتخلص من الإجهاد بسبب مشاركات الفريق في بطولتي الدوري المحلي ودوري أبطال إفريقيا، على أن يبدأ أول تجمع للفريق يوم 27 من الشهر الجاري.

وقال شوبير فى برنامجه الإذاعى عبر أون سبورت إف إم: "مش هغير كلامى ومش هبطل أقول اللى بيحصل فى الأهلى غلط ومش مظبوط، ودى الحاجة الوحيدة اللى مخليانى قلقان رغم أن فرص صعود الأهلى لربع نهائى دوري أبطال أفريقيا 99.9%".

وأضاف شوبير: "إزاى الأهلى ياخد راحة 8 أيام، فى لاعيبة كتير مش بتلعب ومعندهاش إجهاد وكان لازم يرجعوا للتمرين بدرى، يعنى إيه الفريق يرجع يوم 27 مارس وعنده مباراة يوم 2 أبريل، بجد إزاى حد يفهمنى ليه الأهلى النادى الوحيد فى مصر اللى مبيلعبش مباريات ودية".

وتابع شوبير: "الناس عملت برامج ترد عليا وأنا مصمم ومش هغير كلامى وأعتقد أنا بفهم شوية فى الكورة، وكنت بلعب زمان لو نسيتوا يعنى، وحد بيقولى أصل دى مدرسة جديدة يا كابتن فى التدريب، والله بحكم شغلى بتابع كل الدوريات ومسمعتش عن المدرسة الجديدة فى التدريب دى غير فى الأهلى".

واختتم: "فيها إيه يعنى لما يرجعوا بدرى شوية ويتعمل برامج لتجهيز اللاعبين بتوع الدكة ونعمل مباريات ودية نشوفهم كويس، أعتقد مطلب مشروع".