مرتضى منصور: «أعضاء الزمالك عايزين يعملولي تمثال وأنا رفضت»

وجه مرتضى منصور رئيس نادي الزمالك، الدعوة لجمهور الزمالك لدعمه ودعم الفريق الأول لكرة القدم قبل مباريات الفترة المقبلة في الدوري.

وقال مرتضى منصور خلال حديثه مع الأعضاء في نادي الزمالك: "عايز جمهور الزمالك يبتدي صفحة جديدة مع كل الناس، واحد بيقولك أحمد جمال وكريم أبو حسين خاينين الناس دي بتحب الزمالك بجد مش بتحب مرتضى منصور".

أضاف: "عايز الناس تقف مع الفريق.. لما وقفتوا مع الفرقة كلوا النجيلة في ماتش الإسماعيلي.. أنا بدعم الزمالك مش بدعم مرتضى منصور".

وواصل: "الأعضاء بيقولولي عايزين يعملوا تمثال ليا في النادي، وأنا مش محتاج تمثال التمثال اللي بجد إنك تحافظ على النادي وتحترمه".

واختتم حديثه قائلا: "لازم الناس تقف ورا الزمالك الفترة الجاية، رئيس الزمالك بيتعرض لحرب من كل اتجاه".