«قصف جبهة».. رد ناري من ميدو على منتقدي ملابس بسنت حميدة
رد أحمد حسام «ميدو» نجم الزمالك السابق، على منتقدي الملابس الخاصة بالبطلة المصرية بسنت حميدة المتوجة بذهبية سباق 100 متر في دورة ألعاب البحر المتوسط.
وقال ميدو في تصريحاته عبر برنامج «الريمونتادا» المذاع على قناة المحور: «بسنت حميدة، بطلة مش بتسمع لحد، وانتقدت عشان لبسها، لكن ده لبس اللعبة بتاعتها ومينفعش تلبس غير كدة».
وأضاف: «افتكرت إن الجماهير هتشيد بـ بسنت وتتغنى بيها بعد إنجازها، لكني فوجئت بسخرية من لبسها، ودخلت قريت التعليقات زعلت».
وختم حديثه قائلا: «ياعم متخلوناش نرجع لعصور الظلام واحدة رياضية جوزها جنبها بتلعب رياضة، بدل ما نتكلم في إنجازها نتكلم عن لبسها، وتحية لمدربها وزوجها، ليه ميبقاش كل إمرأة عظيمة رجل زي ما وراء كل رجل عظيم إمرأة».
