كله خفة يد.. «يوسف» موهبة شابة تتحدى كريس المصرى وعزام - فيديو
الشاب يوسف المصري، صاحب الـ17 عامًا، من مواليد قرية شابة التابعة لمركز دسوق بمحافظة كفرالشيخ، طالب بالصف الثانى الثانوى الأزهرى، اشتهر بخفة يده منذ صغره، مضيفًا: "كنت بتفرج على اليوتيوب على ساحر اسمه ديفيد بلين، وكنت بشوفه يعمل سحر ويحط ورقة كوتشينة على رجله ويغمض عينه وتختفي".
اقرأ أيضًا| صوت من السماء.. المنشد عمر حشاد يؤدي ابتهالات دينية تأسر القلوب «فيديو»
قال "يوسف المصرى" أثناء لقائه فى لايف مع بوابة "مصر 2030"، "كنت بقعد في أوضتي وأحط ورقة الكوتشينه على رجلي وأقلد الساحر وأدعى ربنا عشان تختفي ومكنش بيحصل حاجه"، موضحًا: "أبويا اشترالى لعبة عبارة عن 4 ورقات تعملهم بزاوية معينة تلاقي الأرقام اختفت".
اقرأ أيضًا| كروان الصعيد.. الطفلة رانسي رأفت صوتها يجنن العقول
واضاف بقيت أعملها للعيال أصحابي في المدرسة، ولما كنت بشوف رد فعلهم على الخدعة كنت ببقى مبسوط أوي، ومكنتش أعرف أبويا اشتراها منين ولكني وقفت عن الخدع دي لما الناس قالت ان فيها سحر.
وأردف "يوسف": "بدأت أدخل على اليوتيوب واشوف إزاي أعمل خدع واتعلمت كل الموجود، وقلت هفضل اتعلم كتير أنا عايز أتفرج على السحر اللي شوفته زمان، وقلت أني هبتكر الألعاب الجديدة"، مؤكدًا: "اتعلمت أني لما أدعى مطلبش من ربنا شيء بعينه أطلب منه يخليني أبقى متعلم عشان أعرف أعمل الشيء دا".وأوضح: "في ناس كتير بيقولولي انت مخاوي ولكن كل حاجه عبارة عن خفة يد".
اقرأ أيضًا| مواهب مصر| مصطفي الجمل صوت رباني يخطف القلوب.. فيديو
وأشار يوسف المصرى خلال لقائه أنه على أتم الاستعداد أن يتحدى كريس المصرى، وعزام، مؤكداً على أنه يسعى لإدخال السرور على الناس بحركاته، وأنه لا يستخدم السحر ولكنها خفة يد تعلمها على مدار فترات طويلة.
